संवेदनशीलता

मान्छेमा स्नेह, दयालुता र कोमलता छैन भने जीवन निरस, कठोर र कुरुप हुँदै जान्छ । जति जति उमेर बढ्दै जान्छ, मानिसले जिन्दगीलाई राजनीति, नोकरी र परिवारको चिन्ताले भर्नथाल्छ । मानिस भयभीत रहन थाल्छ, र विस्तारै विस्तारै आफ्ना सारा संवेदनशीलता गुमाउँछ । तब न उसले अस्ताउँदो सूर्य, न बादल, न ताराहरु देख्नसक्छ । उमेर बढ्नुको साथसाथै आफ्नै बुद्धिले मानिसको जीवन तहस-नहस गर्न थाल्छ ।

A Dead Rat Creates Trouble!

कौवाले मरेको मूसो फेला पारेको रहेछ । पन्ध्र, बीस कौवाले उसको पिछा गरिराखेका थिए । ऊ तिनलाई छल्दै सक्दो छिटो एकान्त ठाउँमा पुग्न चाहन्थ्यो । पिछलग्गूहरुले उसलाई ठुँगिरहेका थिए । कौवा रगतपच्छे भइसकेको थियो । यो के भइरहेको हो, उसले केही बुझ्न सकेको थिएन । अचानक उसको चुच्चोबाट मूसो भुइँमा खस्यो । सबै मूसो टिप्न तँछाडमछाड गर्न थाले । बल्ल उसले चैनको सास लियो ।