अरुलाई दुख दिने बानीले अन्ततः आफैंलाई दुख हुन्छ । पहिला त अरुलाई सताएर फाइदा लिने बानी हामी आफैंले बसाल्छौं । यसमा बडो मजा आएजस्तो पनि हुन्छ । तर आखिरमा यस्तो बानीले हामीलाई नै सताउन थाल्छ ।
केही घुमन्तेहरु नदीको किनारमा बसिरहेका थिए । साँझको जाडोमा तिनीहरु थरथर काँप्दै थिए । समूहको मूली बढी नै काँपिरहेको थियो । संयोगले त्यतिखेरै नदीमा एउटा कम्बल बग्दै आएको देखियो । सबैले मूलीलाई भने, 'कम्बल बग्दै आइराखेको छ, पानीमा पसेर लिनुहोस् ।' मूली केही नसोची पानीमा हेलियो । कम्बलले पो उसलाई समात्यो । कम्बल भनेको त भालु पो रहेछ । टाउको पानीमुनि डुबाएर बग्दै आइराखेको । किनारबाट अरु कराए, 'के भो, किन बग्दै गयौ ?' मूलीले भन्यो, कम्बलले मलाई छोड्दैन, म के गरुँ ?
